至尊重慶雞煲 (創興廣場)

营业中

休息中

一睇我個樣就知道我係一個麻甩女子，平時我都好鍾意食大排檔同埋食雞煲，今日難得放假當然要一瞓醒覺就落街同媽咪食返個雞煲啦。今次嚟呢度新推出咗一個花膠雞煲。一嚟到就見到勁多花膠，真係好足料，呢個價錢真係性價比超高丫，而且佢lunch time仲要係無限是任食，成班朋友一齊過嚟吹水食飯真係一流，呢度仲可以自行攞雞煲醬一雞兩味。佢啲雞真係好滑，相信佢經典重慶雞煲都一樣咁好味，下次真係要過嚟再試吓。佢嘅配料真係有好多，豬牛雞羊乜都有，當然都唔少得丸類同埋蔬菜，淨係蔬菜都超過10款，總會有少少時令海鮮，真係超抵食呀。飲品同埋雪糕區嘅款式都好多，真係應有盡有。