養心殿台式養生鍋 (已結業)

今晚同朋友來尖沙咀打邊爐，揀咗呢間好出名的台式火鍋養心殿，夜晚客人都幾多，建議都先打電話訂位先。入面環境裝修富有中式特式，分開每格座位令私隱度高，坐得舒適。有提供醬料區可以自己斟䜴油醬料，調較自己鐘意的口味。我地揀咗個鴛鴦湯底，美人鍋拼秘制薑母鴨鍋，$188, 兩款湯底都好滋補，美人鍋用咗半隻烏雞加火腿豬肉同多款藥材煲成的，清甜而美味，薑母鴨湯底有好多鴨底，味道較濃郁，係天氣凍飲好適合。極品水餃，半份 $42,皮薄而滑，蝦肉同豬肉比例適中，咬落爽口，蝦丸，半份 $40, 彈牙鮮甜。牛胸爽，$138, 顏色呈淡白色，煮熟好爽脆，入口油脂味散發。即炸響鈴，$68,新鮮爽脆，腐皮味濃郁，滾一滾三秒就可以食，味道一流，係必食之選。