好茶養生 (MOKO新世紀廣場) (已結業)

💖去旺角附近行街行到好攰，入MOKO嘆冷氣順便嚟好茶養生飲杯嘢，呢度最出名係中式養生茶，之前試過感覺好健康滋補💕今日咁熱，諗住試吓其他特飲。1⃣️士多啤梨Mojito🍓 $38💖要咗少糖少冰，份量幾大，mojito嘅蘇打水夠曬氣，入面仲有士多啤梨片同青檸。酸甜得黎又帶有薄荷葉嘅清爽，夏天消暑飲最啱。2⃣️ Tiramisu cheesecake🍰 $65💖上次黎無見過，今次見到決定試吓。呢款係生酮飲食通用，仲有生酮嘅焦香芝士蛋糕。兩款都係排除高醣類，減低碳水化合物攝取嘅蛋糕，幾符合佢哋健康養生嘅概念。食落香滑，比一般嘅tiramisu冇咁甜，蛋糕綿密濕潤。生酮飲食嘅朋友而家都可以黎呢度食下午茶！💖呢度都幾多枱，環境好坐，店員都會好Nice咁介紹各款養生茶同蛋糕，仲可以買茶包添。黎MOKO順便黎嘆杯茶同cake都唔錯。