影片
更多
2018-05-14
498 浏览
身邊朋友都話食過養心殿覺得唔錯，老婆聽完心郁郁，馬上訂位一試（所以我攞正牌暫停減磅計劃）。可惜工作時間所限，享用唔到半價優惠，大家要食都留意返，兩個時段黎都有優惠，抵好多。裝修好中式，唔同區域/檯都有通花木門隔開，稍稍提高私隱度，食都食得自在啲。美人鍋材料豐富，味道好鮮甜無味精，等我數下有咩材料你就知點解鮮甜：桃膠、原隻烏雞、杞子、南棗、金華火腿。湯底滋陰補虛而且有骨膠原，難怪叫美人鍋。另外煮完配料湯依舊清甜，唔似平時打邊爐濁晒。隨隨便便都撈到桃膠。配料叫左細份手切牛肉（$238）、響鈴（$68）、半份鵝肝墨魚丸（$48）、半份黑松露蝦丸（$48）、酒香白肉（$58）、炸午餐肉（$58）同埋寬條麵（$38）。打邊爐好易眼闊肚窄，最後飽得很，可以再揀的話我會選擇唔叫午餐肉。牛肉紋理靚，起雙飛切法，牛味香又無肉腥，喜歡食牛叫碟大既都可以。黑松露丸香味強，煮完都仲有松露味。鵝肝丸真係有粒鵝肝！加埋墨丸配搭又幾唔錯。響鈴一份8條，兩人食係有啲多，最緊要香脆好食，沾一下熱湯後內脆外軟無得輸。酒香白肉即係玫瑰露豬肉，可算是今晚的MVP。酒味濃郁，肉鬆軟，味道特別得黎平時都比較少見，我覺得係必叫之選
可惜工作時間所限，享用唔到半價優惠，大家要食都留意返，兩個時段黎都有優惠，抵好多。
裝修好中式，唔同區域/檯都有通花木門隔開，稍稍提高私隱度，食都食得自在啲。
美人鍋材料豐富，味道好鮮甜無味精，等我數下有咩材料你就知點解鮮甜：桃膠、原隻烏雞、杞子、南棗、金華火腿。
湯底滋陰補虛而且有骨膠原，難怪叫美人鍋。另外煮完配料湯依舊清甜，唔似平時打邊爐濁晒。
隨隨便便都撈到桃膠。
配料叫左細份手切牛肉（$238）、響鈴（$68）、半份鵝肝墨魚丸（$48）、半份黑松露蝦丸（$48）、酒香白肉（$58）、炸午餐肉（$58）同埋寬條麵（$38）。
打邊爐好易眼闊肚窄，最後飽得很，可以再揀的話我會選擇唔叫午餐肉。
牛肉紋理靚，起雙飛切法，牛味香又無肉腥，喜歡食牛叫碟大既都可以。
黑松露丸香味強，煮完都仲有松露味。鵝肝丸真係有粒鵝肝！加埋墨丸配搭又幾唔錯。
響鈴一份8條，兩人食係有啲多，最緊要香脆好食，沾一下熱湯後內脆外軟無得輸。
酒香白肉即係玫瑰露豬肉，可算是今晚的MVP。酒味濃郁，肉鬆軟，味道特別得黎平時都比較少見，我覺得係必叫之選。
午餐肉都不必多講喇，只係全晚都諗究竟要唔要落湯煮一煮（怕盛器無份生熟），最後當然安全至上。因預先已炸，烚完都唔會腍晒。
寬條麵薄薄半透明，煮一煮已經可以，最好有個「炸籃」煮麵，唔怕啲麵漂走晒，一試做車仔麵師傅感覺。麵質QQ的，唔錯。
最後甜品送芋圓或雪糕，我揀的雪糕原來係Fruttato Gelato獨立包裝，質地實淨奶味香。
张贴
