影片
更多
2018-07-28
14 浏览
朋友好鍾意食餃子，聽講餃餃餃子出名多味道同款式，見鰂魚涌有分店，就去咗嗰度食。就咁睇門面，非常有日本風情。我哋企喺門口喺度睇緊Menu，店員就好親切咁行出黎同我地介紹返餐廳嘅特色產品，叫我地入嚟試吓。坐定定慢慢喺度研究Menu，最後揀咗餃子套餐（ $75 ），同埋追加左日本綠茶可樂（ $18 ）。等左一陣前菜先上場，鹽麴椰菜一上枱就聞到好香醬油味同芝麻香。鹽麴即係以米和麴菌發酵生成的米麴，加入鹽和水混合再發酵而成ge一種日式調味料，比鹽較淡，加落去椰菜，恰到好處咁帶出菜嘅新鮮，喺夏日炎炎嘅天氣食呢款涼拌菜，實在非常醒胃。Chao Chao 招牌一口餃子，店員介紹係每日人手包製，係誠意之作。餃子係即叫即煎，入邊確實非常多餡，而且煎得非常香脆，店入邊有餃子醬汁同埋味噌醬汁，兩隻醬汁我都試左，我覺得配味噌醬汁好似再好食d。湯烏冬配油揚及日式魚蛋，湯底清清地，烏冬煙煙韌韌，配煎餃子可以中和返油膩感。見到好多日本特有嘅汽水，平時唔想飲可樂嘅我決定叫一支黎試下。飲落又幾過癮，唔算太甜，應該卡路里唔會超標，夏天飲汽水，都咪話唔嘆。叫咗個蟹肉海老特製豪華餃子棒（$42），咬落去真係有原條蟹肉同蝦係入邊
就咁睇門面，非常有日本風情。我哋企喺門口喺度睇緊Menu，店員就好親切咁行出黎同我地介紹返餐廳嘅特色產品，叫我地入嚟試吓。
坐定定慢慢喺度研究Menu，最後揀咗餃子套餐（ $75 ），同埋追加左日本綠茶可樂（ $18 ）。
等左一陣前菜先上場，鹽麴椰菜一上枱就聞到好香醬油味同芝麻香。鹽麴即係以米和麴菌發酵生成的米麴，加入鹽和水混合再發酵而成ge一種日式調味料，比鹽較淡，加落去椰菜，恰到好處咁帶出菜嘅新鮮，喺夏日炎炎嘅天氣食呢款涼拌菜，實在非常醒胃。
Chao Chao 招牌一口餃子，店員介紹係每日人手包製，係誠意之作。餃子係即叫即煎，入邊確實非常多餡，而且煎得非常香脆，店入邊有餃子醬汁同埋味噌醬汁，兩隻醬汁我都試左，我覺得配味噌醬汁好似再好食d。
湯烏冬配油揚及日式魚蛋，湯底清清地，烏冬煙煙韌韌，配煎餃子可以中和返油膩感。
見到好多日本特有嘅汽水，平時唔想飲可樂嘅我決定叫一支黎試下。飲落又幾過癮，唔算太甜，應該卡路里唔會超標，夏天飲汽水，都咪話唔嘆。
叫咗個蟹肉海老特製豪華餃子棒（$42），咬落去真係有原條蟹肉同蝦係入邊，隔離枱見到都狂望過黎，配埋個沙律醬，食落去啖啖肉又脆卜卜，好爽皮。
今日滿足左朋友嘅餃子慾望，邊食邊傾計，咁就過左一個開開心心嘅下午啦。
张贴
