北方餃子源 (已搬遷) 新店位置

筲箕灣東大街越來越多似一條美食街，食店種類非常多總有一間啱食。 今次試吓餃子店， 廚房喺地面仲有閣樓，主要賣餃子另有小食、麵同飯選擇。 原先想叫西洋菜餃惜賣晒，最後決定要浮芹菜餃、韮菜餃麵、手撕雞。餃子皮唔厚幾爽滑餡都幾多，大大隻而一隻要咬兩三啖有汁，不過肉餡有D鬆散。 韮菜餃多惹味，麵較幼身好有彈性又有麵粉味。 芹菜餃好清新好香中國芹菜味，食多幾隻都唔覺漏。 至於手撕雞係雞脾起肉滷過，上面淋上生蒜調味汁，雞肉普通但個汁就好好味。