影片
更多
2020-06-25
428 浏览
之前聽朋友講尼頭有間食辣既餐廳，見食評都幾吸引，就決定試下新野。雙併白菜餃韭菜豬肉餃($48)餃子有10隻，餃子唔算好大隻，皮薄，幾好食，配埋自家調製帶有少少辣又有蒜味既醬汁，唔錯。我覺得白菜餃好食d，”友人”就鐘意韭菜豬肉餃多d。(個人口味S: 3.2/5)(個人口味E: 3.5/5)牛展牛柏葉掛麵($44)+芬達($10)我叫左小麻辣走蒜。麻辣湯底加左d特別既香料，同平時食既有d唔同。有4-5塊薄切又細塊既牛展($12)，幾腍，幾好食；4-5片剪散左既牛柏葉($12)，食唔出牛柏葉本身應有爽口既口感，不推薦。掛麵($20)正常。我尼碗除左牛柏葉特別失望之外，其他都正常，但$12既餸得咁少又細件，值唔值就見仁見智。我寧願佢俾2塊大塊d既牛展同2舊完整既牛柏葉好過。(個人口味S: 2.8/5)肥牛豬腩片掛麵($44)+豆漿($10)湯底有好多蔥同蒜。2舊細肥牛($12)，賣相已扣分。3-4片大部份都係肥膏既豬腩片($12)，無乜肉。(個人口味E: 3.1/5)總結：餃子唔錯，但串串既份量真係比預期迷你又少，試一次就夠。除非專程去食餃子。
雙併白菜餃韭菜豬肉餃($48)
餃子有10隻，餃子唔算好大隻，皮薄，幾好食，配埋自家調製帶有少少辣又有蒜味既醬汁，唔錯。我覺得白菜餃好食d，”友人”就鐘意韭菜豬肉餃多d。
(個人口味S: 3.2/5)(個人口味E: 3.5/5)
牛展牛柏葉掛麵($44)+芬達($10)
我叫左小麻辣走蒜。麻辣湯底加左d特別既香料，同平時食既有d唔同。
有4-5塊薄切又細塊既牛展($12)，幾腍，幾好食；4-5片剪散左既牛柏葉($12)，食唔出牛柏葉本身應有爽口既口感，不推薦。掛麵($20)正常。
我尼碗除左牛柏葉特別失望之外，其他都正常，但$12既餸得咁少又細件，值唔值就見仁見智。我寧願佢俾2塊大塊d既牛展同2舊完整既牛柏葉好過。
(個人口味S: 2.8/5)
肥牛豬腩片掛麵($44)+豆漿($10)
湯底有好多蔥同蒜。2舊細肥牛($12)，賣相已扣分。3-4片大部份都係肥膏既豬腩片($12)，無乜肉。
(個人口味E: 3.1/5)
總結：餃子唔錯，但串串既份量真係比預期迷你又少，試一次就夠。除非專程去食餃子。
张贴
