十勝牛和食料理 (已結業)

今晚同媽子黎呢度食飯，雖然等左三十幾個號碼，但附近都無乜野食，就照等啦。等左八個幾字，可以入去啦。侍應好快俾水我地，我地都諗到食咩啦蟹籽沙律(大)真係好大碗，雖然料好普通。只係青瓜、蟹柳，但配上"bb牌"沙律醬就好食好多。我覺得青瓜好爽口，而且食完真係透心涼。大既沙律比細既抵食，因為大既沙律係三十三蚊，而細既就係二十五蚊。食完呢個沙律之後，都覺得有飽。三文魚腩壽司呢個比普通既三文魚壽司貴，但呢三文魚就更肥美。我覺得味道鮮甜，貴都值得既。串燒牛俐呢個都幾好食，牛俐好juicy惹味。我認為仲好食過一平安果，因為一平安既牛俐太薄啦。三文火龍卷係一舊壽司包住紫菜同三文魚，碟面仲有脆脆伴碟。其實呢係天婦羅炸既碎，用黎作裝飾，我覺得好得意。咖喱豬扒石鍋飯今次差好多啦，仲要漏單。等左差唔多八個字，個飯先黎到。豬扒炸得太乾、又無乜肉味，唔好食。飯都唔多好，可能要漏單快起，令到個飯差左。我記得上次食係好多飯焦，但今次就無乜啦。佢地既飯唔多夠汁，總之呢個飯令我好失望。下次應該唔會再叫。其實今餐都唔錯既，如果個飯唔係等咁耐就好啦。侍應雖然好忙，但都經常幫我地加水，值得一讚。