影片
更多
2021-12-25
993 浏览
終於放假，終於有時間寫食評今次係第二次嚟Sky Lounge食下午茶。第一次係同事帶我嚟的，因為真係超鍾意哩度，所以一個多月後就帶咗媽咪、姨媽同老公嚟到呢度享受一個悠閒的下午茶。我哋每人都點咗一個afternoon tea set，我哋三位女士都揀咗Bottega Manzoni Moscato Pink Rose（我估係期間限定嘅免費upgrade），我老公就揀咗hot Americano。哩個下午茶餐叫Mellow with Melvita，喺Sheraton同Melvita嘅crossover，所以除咗食同飲，我哋每人仲有一包好靚嘅Melvita禮品收，茶餐仲有8折優惠㖭。小小心意，但令人開心又驚喜，女人最鍾意就係收禮物吧🎁。再次嚟到哩度，除咗係因為個無敵大海景之外，令一個原因係因為每件鹹點甜點都非常精緻好食，冇一件係令我失望嘅。我唔係誇張，真係每一件都好好食。我好少覺得high tea好食，但Sky Lounge真係令我讚口不絕，要極力推介！佢哋嘅鹹點有：Foie Gras Crème Brûlée 超美味呀！質感好特別，表面脆，裡面流心，好香，估唔到鵝肝同Crème Brûl
今次係第二次嚟Sky Lounge食下午茶。第一次係同事帶我嚟的，因為真係超鍾意哩度，所以一個多月後就帶咗媽咪、姨媽同老公嚟到呢度享受一個悠閒的下午茶。
我哋每人都點咗一個afternoon tea set，我哋三位女士都揀咗Bottega Manzoni Moscato Pink Rose（我估係期間限定嘅免費upgrade），我老公就揀咗hot Americano。
哩個下午茶餐叫Mellow with Melvita，喺Sheraton同Melvita嘅crossover，所以除咗食同飲，我哋每人仲有一包好靚嘅Melvita禮品收，茶餐仲有8折優惠㖭。小小心意，但令人開心又驚喜，女人最鍾意就係收禮物吧🎁。
再次嚟到哩度，除咗係因為個無敵大海景之外，令一個原因係因為每件鹹點甜點都非常精緻好食，冇一件係令我失望嘅。我唔係誇張，真係每一件都好好食。我好少覺得high tea好食，但Sky Lounge真係令我讚口不絕，要極力推介！
Mellow with Melvita afternoon tea set
$338
33 浏览
0 赞好
0 留言
佢哋嘅鹹點有：
Foie Gras Crème Brûlée 超美味呀！質感好特別，表面脆，裡面流心，好香，估唔到鵝肝同Crème Brûlée味道咁夾
Crab Croissant with Avocado 雖然無乜驚喜，但係好食嘅，個蟹肉牛油果醬好香
Pork Paté en Croute with Pistachio 好特別嘅嘗試，豬肉嘅味道有點中式
Brie & Honey Baguette 包焗得好脆，內裡好煙靭，正
Smoked Salmon Roll with Egg Salad 包好鬆軟
甜點則有：
Scone 甜味剛剛好
Matcha Macaron 有驚喜，抹茶味好香，甜味亦係剛剛好
Mango & Banana Tart 我嘅至愛！香蕉味好香濃，少少嘅芒果香味，夾埋個朱古力撻真係無得頂！質感都好得意，亦係外脆內流心嘅感覺
Raspberry Rose Mousse 都OK，個人唔太鍾意食mousse
Chocolate Caramel Cake 朱古力同焦糖味好香濃，掂呀
Lavender Vanilla Cream Puff 個人唔係好鍾意食泡芺，但老公好鍾意，讚口不絕
成個下午茶都好出色，個人覺得甜點比鹹點更優勝！ 好開心的一個下午！
张贴
