影片
更多
2020-02-27
108 浏览
早前嚟到呢間新開嘅Omakase，有別於一般嘅Omakase menu～呢度係均一價晚餐有25個course，所以係超豐富同一定飽肚而歸啊！一餐入面有晒超愛嘅北海道白海膽、三文魚籽、左口魚、鰻魚，好滿足嘅晚上啊！一次過試晒好多唔同嘅食材，好似係鮟鱇魚肝、烏魚白子等等～等我慢慢介紹，首先前菜係用左有馬煮嘅蜆肉，仲有啲冬菇粒，都幾濃郁入味！之後就係刺身部分，鰤魚係冬天最當造，特別肥美～深海池魚就口感腍滑啲。燒過嘅鮫魚好香，油份高～竹簽魚皮脆肉嫩。鮟鱇魚肝、烏魚白子兩者都處理得好好，特別係白子，外面燒過令到內層更creamy～里芋煮—芋頭炸左一層，再打芡汁。芋頭熟透食落好香～左至右春子鯛、甜蝦、秋刀魚。呑拿魚三食，有齊大拖羅中拖羅同赤身，大拖羅火炙左少少面頭，而赤身就用醬油醃製，三食滿足晒你三個願望！黑鯥魚油份比較高，再加上火炙魚油更出。北海道白海膽，淡淡嘅鮮甜停留係口腔時間雖然唔長但令人回味。聽店員話佢地好多食材都無用火槍去燒，而選用日本嘅炭燒，呢一道北寄貝就係其中嘅代表啦。北海道稻蟹一絲絲蟹肉，純粹的鮮甜。沙甸魚比到驚喜我地，處理到無晒骨同埋食落毫無腥味，好仔細！三文魚子大愛啊，一粒粒晶
一餐入面有晒超愛嘅北海道白海膽、三文魚籽、左口魚、鰻魚，好滿足嘅晚上啊！一次過試晒好多唔同嘅食材，好似係鮟鱇魚肝、烏魚白子等等～
等我慢慢介紹，首先前菜係用左有馬煮嘅蜆肉，仲有啲冬菇粒，都幾濃郁入味！
之後就係刺身部分，鰤魚係冬天最當造，特別肥美～深海池魚就口感腍滑啲。
燒過嘅鮫魚好香，油份高～竹簽魚皮脆肉嫩。
鮟鱇魚肝、烏魚白子
兩者都處理得好好，特別係白子，外面燒過令到內層更creamy～
里芋煮—芋頭炸左一層，再打芡汁。芋頭熟透食落好香～
左至右春子鯛、甜蝦、秋刀魚。
呑拿魚三食，有齊大拖羅中拖羅同赤身，大拖羅火炙左少少面頭，而赤身就用醬油醃製，三食滿足晒你三個願望！
黑鯥魚油份比較高，再加上火炙魚油更出。
北海道白海膽，淡淡嘅鮮甜停留係口腔時間雖然唔長但令人回味。聽店員話佢地好多食材都無用火槍去燒，而選用日本嘅炭燒，呢一道北寄貝就係其中嘅代表啦。
北海道稻蟹一絲絲蟹肉，純粹的鮮甜。
沙甸魚比到驚喜我地，處理到無晒骨同埋食落毫無腥味，好仔細！
三文魚子大愛啊，一粒粒晶瑩剔透嘅魚子好似蓋餅咁鋪係壽司飯上面，超澎湃！
上面仲撒上少少柚子皮，帶點清新嘅點綴～燒鰻魚係我最愛之一，鰻魚燒得魚質好爽口，魚皮位置又帶黏口，燒得好完美！
左口魚軍艦，平時食開左口魚壽司但呢度用上左口魚一片片燒過逼出魚油再置軍艦上，更香口！
但係左口魚炙燒到有啲焦左少少影響味道。食完燒鰻再食嫩口嘅海鰻係味道同口感嘅對比。
好巨型嘅鯖魚卷，前面廿幾品已經佔據左我八九成嘅肚量，最後再來一個鯖魚卷快令我支持唔住，但我都堅持要品嚐廚師為我預備嘅心思！呢個鯖魚卷炙燒左面頭魚油更香，肉厚啖啖肉真係每一口都令人滿足。湯品係麵豉湯但內裡仲有蜆肉等材料，味道加添左層鮮味呢！
最後仲有靜岡蜜瓜作結，多汁又甜令人好滿足！
张贴
