我朋友未到我就先點了一杯細 cappuccino，這裡是去收銀位先付款後送上枱。
一個人悠閒地飲住杯咖啡等朋友，咖啡豆好香👍 cappuccino $36 REG
1
等朋友期間望下餐牌食咩好，見到佢地職員休息食飯既時間，見到佢食一個 菠蘿burger好吸引，即刻想試。
所以朋友到左之後，我地要了一個大沙律& burger開心share👍
煙三文魚配檸檬醋醬$78
佢地個沙律好大份，而煙三文魚嘅份量都唔少， 至少有五片好大又好長嘅煙三文魚，仲要唔算薄身食落好有口感👍 啖啖煙三文魚🤤
呢個就係我見到個職員食緊既漢堡包，超巨大🤤 烤雞波羅漢堡配檸檬乳酪醬$88
我想講，真係好大份🤤份雞扒同菠蘿都起厚身，同埋個 檸檬乳酪醬又係超多。一啖食落去個雞好juice，菠蘿同個醬又酸酸甜甜好夾👍
旁邊仲有烤左既薯仔，脆卜卜幾好味。
真係好大份，我同朋友食完一人一半既 burger之後，已經食唔落沙律，我估個沙律仲有三分之一食唔哂🙈
