8鍋臭臭鍋 (謝斐道) (已結業)

餐廳牆上有好多台灣本地唔同地方分店嘅相～臭臭鍋係一人一鍋，有多達8種款式選擇。每一款嘅湯底同配菜都唔同，可以交換試下。本身驚就咁個鍋唔夠飽，但係佢其實跟餐都配一個飯/粉絲，加錢仲可以升級做滷肉飯/烏冬。不過我地可能太細食…其實連個鍋都係啱啱好食得曬😂🍴臺式麻辣鍋湯底係會越食越辣 越食越麻個種！配菜有娃娃菜、牛肉、王子麵、甜不辣、麻辣餃子、魚蛋、米血糕、鴨血、鳴門卷、沙白等等 好有台灣風味🇹🇼比較特別嘅係一舊都幾大舊嘅老油條（？）😂會吸曬啲湯 但係就略嫌有啲油 整體都係一個止到辣癮嘅好選擇🌶🍴藥膳羊肉鍋藥膳湯底相對比較普通，有啲失望！佢嘅配料有羊肉片、粟米、香菇、蓮藕、台灣貢丸、粉絲、淮山等等 🐑羊肉片份量都唔少～但係唔知係咪因為藥膳嘅關係，所以配料都相對健康😂比較多蔬菜類 下次再食應該未必會揀返呢款🙈🍴台灣腸（蒜味🧄）呢個一定要嗌！真係超級有驚喜！台灣腸佢會幫你切片再烤熱，聞落有啲燒肉乾嘅香味～食落甜甜地加埋蒜片一齊食係Perfect啊！會忍唔住一舊接一舊！🍴蜂蜜綠茶佢會用返平時手搖嘅杯裝比你，不過就係出面中杯嘅Size！飲落都好台灣，茶味幾濃，同埋真係飲到Expect要有嘅蜂蜜味！