聚滿居

自從上次同朋友去左食片皮鴨，突然口痕想再食，就同男朋友走左去逸東呢間聚滿居食晚飯。


坐低之後就叫咗個片皮鴨二食套餐，姐係除左有餅皮包既鴨皮之外，鴨肉仲可以幫你拎去加工，咁我就叫左薑蔥爆鴨肉。

片皮鴨

片皮鴨雖然唔係食過最好味，但勝在比起出面餐廳，呢度既份量多，無論係餅皮定鴨皮，都夠晒大塊。

薑蔥爆鴨肉

呢個薑蔥爆鴨肉真係無得頂送飯一流，而且差唔多舊舊都好有肉地。最欣賞佢唔似出面餐廳叫完一隻片皮鴨，啲鴨肉唔知去晒邊，夠晒抵食。