樂天大喜屋 (已結業)

好耐冇食過放題，好懷念大餐嘅感覺，而呢間樂天大喜屋好多朋友食過都話唔錯，嘢食種類豐富之餘，上菜速度亦好快，重點係價錢合理，抵食，今日趁放假即刻嚟試試。係落單之前我哋首先出去自助區攞咗啲小食，款式都幾多，有冷盤同熱盤。包括沙律菜、水果、日式螺肉等等嘅小食，仲有海鮮蝦同青口🥰熱盤方面，主要係一啲炸物，春卷、薯角，估唔到嘅係一轉身，發現仲有蒸魚、雞翼、魚蛋，等等嘅小食，仲有湯飲！未正式落單已經食飽😂😂除此之外值得一讚嘅係飲品選擇都10分豐富，有果汁、涼茶，仲有酒飲。甜品方面亦有好多款，本身冇太大期望，但估唔到意大利芝士蛋糕真心幾好味，朱古力慕絲嘅味道都好濃，雖然甜品並非好高質，但味道已經十分不錯。食完自助區嘅小食，就開始用app落單食其他嘢啦。壽司、卷物款式好多，主要想食嘅都齊晒，好滿足。其中最滿意嘅係蟹棒芝士壽司，encore了好幾轉，同埋芒果吉列蝦卷，芒果同蝦估唔到咁絕配，吉列蝦脆脆地口感好好。另一款鰻魚芝士卷亦都好唔錯，拍得住喺某高級壽司店食嘅質素。而壽司方面，三文魚、左口魚、帶子都好軟嫩，帶點鮮味，表面亦有醬料，唔會馬馬虎虎。仲叫咗幾款刺身，尚算新鮮，唔錯。比目魚扒好好味，入味之餘唔