醉胡爐 (已搬遷) 新店位置

朋友生日，食咩梗係佢話事啦！佢話想食d特色嘅打邊爐，我即刻諗起呢到，希望佢鍾意啦😆三日前已經book定枱，被安排左近門口位看，座位闊落啲，仲望到出面個街景。環境舒適高雅，坐得舒服又夠靜，可以慢慢傾。最鍾意頭頂嘅燈，有放煙花綻放嘅感覺。揀野食先，朋友見到多款特色湯底，款教都想試，不如睇下侍應有無介紹，佢建議我哋試新野「哈密瓜佛跳牆湯底」，哇！好豪呀！既然生日就食好啲啦。個底鮑參剌肚樣樣齊，先飲湯補一補先，因為足料，啖湯好濃郁。A5飛驒和牛眼先上，牛味濃、有口感。廣島蠔抵食，隻隻肥美，入口又滑。 蟶子大大隻，新鮮肉厚又彈牙。黑松露鮮蝦雲吞，未食已經聞到松露香，蝦肉彈牙好味。飲品要推介「醉」，荔枝、碟豆花、梳打水同Sake, 味道好夾，清甜，有春天fresh嘅感覺👍🏼呢度無論三五知己定二人世界都好啱，係尖沙咀打邊爐嘅好選擇！