小曼谷海鮮燒烤屋

营业中

休息中

今日同女朋友黎到九龍城，見到有間小曼谷餐廳門口有隻充氣既娃娃，好吸引人既目光，甘就入去試下啦反正好耐無食過泰國菜。入面環境偏暗，都好有氣氛。甘第一度菜我地就叫左柚子沙律，依道菜好特別，柚子酸酸甜甜，但入面又有花生粒，會有少少鹹味，叫黎開胃真係一流。甘之後就叫左道豬頸肉，豬頸肉好大碟，份量十足，而且燒得啱啱好，唔會有燶既情況。食完兩個小食，就叫左兩道主菜，分別係芒果蟹肉炒飯同鮮蝦炒金邊粉。兩道主菜份量都十足，炒飯配上芒果，令人食既時候有d清新既感覺。金邊粉亦都炒得好香，但唔會太乾身，再之後我地緊係叫左少少串燒黎食，當中不得不提牛舌，出面既牛舌一般都係好薄，但佢既牛舌好厚同埋好冧，唔會好難咬。而且串燒都燒得好好，肉質夠哂嫩口。至於飲品就分別叫左芒果椰汁沙冰同椰皇沙冰，兩杯既甜度都係淡淡地好清涼，會令你飲完即時解渴。