影片
更多
2006-08-02
2 浏览
某天睇見飲食男女(跟便利個本)推介, 係旺角朗晴坊上面, 朗晴坊?! 睇地圖真係睇唔明, 淨係知係朗豪坊附近, 某個星期6(22/07)送姐姐搭車時候竟然無意中發現到, 原來就係朗豪坊隔離, 地圖老點囉=.=" 即晚走左上去試, 間野唔算好大間, 但都唔細, 有條男子服務幾好, 星期6晚係旺角都唔駛等位, 我諗大概係因為佢係樓上舖+ 開張幾個月卦, 入去雖然坐唔到卡位, 但條男子都專登俾張睇到電視o既位我地, 1有卡位仲即刻轉俾我地坐~ gd呀^^ 叫左個招牌面set + 豬軟骨兩面夾攻set + 油菜招牌面set ($35) : 湯底有兩個揀, 清雞湯/蕃茄湯, 我梗係揀蕃茄湯啦, 碗面勁大碗, 係日本拉面, 勁多蕃茄+ 雜菜, 但個湯太清, 無蕃茄味咁, 係好健康咁o既感覺, 不過好似滾湯咁, 跟4個食送~ 水晶丸(白蘿蔔蓉)x2 + 日本魚扎x2 + 煎魚腐x1 + 炸雞翼x2 , 抵呀^~^ 本人因為唔舒服, so飲熱柑桔蜜, 唔駛+$ 豬軟骨兩面夾攻set ($35) + $6 : 係拉面+ 波菜面, 豬軟骨OK得, D 汁撈面好好味^^ 仲跟碗蕃茄湯~ 好味過我個招牌面D
招牌面set ($35) : 湯底有兩個揀, 清雞湯/蕃茄湯, 我梗係揀蕃茄湯啦, 碗面勁大碗, 係日本拉面, 勁多蕃茄+ 雜菜, 但個湯太清, 無蕃茄味咁, 係好健康咁o既感覺, 不過好似滾湯咁, 跟4個食送~ 水晶丸(白蘿蔔蓉)x2 + 日本魚扎x2 + 煎魚腐x1 + 炸雞翼x2 , 抵呀^~^ 本人因為唔舒服, so飲熱柑桔蜜, 唔駛+$
豬軟骨兩面夾攻set ($35) + $6 : 係拉面+ 波菜面, 豬軟骨OK得, D 汁撈面好好味^^ 仲跟碗蕃茄湯~ 好味過我個招牌面D 蕃茄湯=.=" 跟左杯特飲~ 朱古力沙冰, 要+ $6, 個樣幾得咁..
油菜($10) : 揀左生菜, 係烚菜無咩油個隻, 岩我^~^ 因為係屋企食慣左妹妹整o既無油烚菜, 出街食唔慣勁油o既油菜, 呢度仲要蠔油另上, 真係專攻健康咁款喎~
呢餐除左略嫌個招牌面湯底~ 蕃茄湯淡左D之外, 其他都幾gd^~^
樓下派左張9折coupon, 好似要+1, 都係$80左右, 抵呀!! 呢度會再黎, 因為旺角好難搵到間唔迫o既舖頭, 食飽飽第1時間係諗起牛牛, 佢成日都話想搵間唔迫坐得舒服o既舖頭, 呢度岩哂, 下次gathering 1 定黎呢度過!!
张贴
