鮮‧港式串燒吧 (已搬遷) 新店位置

這晚收工好想出街飲下野，上網搵左呢間鮮 港式串燒吧，觀塘地鐵行過去唔使十分鐘，因為在舊工廠大廈3樓，大廈入口處比較亂，上到去卻相當整齊乾淨，座位都幾闊落，客唔多，靜靜地好舒服。入左門口右手邊有個簡單飲品吧，有十零蚊到幾十都有，要左杯 1664 白生啤，入口柔和順口，冰凍中滲出絲絲的果香味，Waiter 送上醬料：燒汁，海鹽，泰醬，其實餐吧都幾多野食：有海鮮盆，生蠔，刺身，串燒，都幾貼到餐吧的名。脆卜卜豆卜：最近比較喜歡吃，燒得比較幹身，外皮香脆，沾燒汁味道更香濃。羊架：剛剛好熟，充滿肉汁，肉質又軟又嫰，不過朋友話都幾騷，我就唔覺，所以個人的口味有時都差幾遠。雞腎：相當爽口，沾少少海鹽更突出雞腎的香鮮，送酒一流。粒粒墨魚丸：墨魚丸都幾實身，好有口感，沾少少的泰醬好惹味。墨汁墨魚腸：黑黑的一點都唔起眼，食落卻又幾好味，甜甜的，香香的，口感豐富。鹽燒雞中亦：最普通卻總是不能錯過，外皮香脆，肉質嫩滑，少少的海鹽更添味道。