桔梗 (已結業)

旺角真係有好多好多好野食，好多時都花多眼亂，唔知食乜好。呢間餐廳係我好多朋友都有推介過，所以就黎試吓～一入到黎感覺真係好大，旺角好少可會有咁大間嘅餐廳，而且仲做倒兩層，超多枱，我諗平時黎食都好易搵倒位我地都好懶，唔想諗食咩，所以就叫個二人套餐，見佢咩都有齊晒，仲有酒飲，好似幾抵食首先黎咗支大吟釀，平時唔多識飲酒嘅我都覺得佢好易入口，甜甜地有米香，而且唔好見佢細細支，慢慢飲飲到最尾都仲有細半支淨，好抵飲呀毛豆同三種小菜，毛豆夠凍而且新鮮，小菜嘅漬物唔會太濃味，而且個蠔係一啲臭味都冇，好有驚喜～炙烤鮪魚係好香嘅魚味，輕輕烤過之後個油香味係更加明顯～個蛋黃醬都加得岩岩好，唔會搶咗個魚嘅味道兩種茶漬飯分別係三文魚同埋明太子，兩個我都覺得好好味，因為個湯底味道好足夠，配個飯食飽肚之餘又唔會口寡寡溏心蛋都係穩陣嘅，熟度岩岩好，食落有幸福感京蔥檸檬豬腩個汁好夾個豬，而且個豬燒完之後，唔會覺得好肥，食晒成碟都唔覺得滯明太子炒魷魚都係好唔錯，見倒佢上枱都幾大碟，啖啖肉好有滿足感。佢唔似平時嘅明太子醬咁太鹹，反而係個味道剛剛好，就咁食都好夾炸雞配台式五味醬個雞係新鮮熱辣炸起，所以非常之熱，個醬食落有少少甜