漁不老烤魚雞煲火鍋 (諾士佛臺) (已結業)

估唔到去諾士佛臺除左飲野 仲開左呢間食烤魚雞煲嘅餐廳🤤 今次仲唔食飽先飽番夠本？😆 餐廳都有唔少座位 坐得都幾舒服架👍🏻我哋今次就試左原條烤魚同辣子雞乾鍋👅 原條烤魚有3款魚選擇 我哋就揀左沙巴龍躉 口味就揀左BB辣嘅酸菜🤤 上菜滾起就食得啦 湯底都幾辣架 不過好惹味 如果酸d仲正😆 龍躉好大條好厚肉 肉質好滑好肥美 2個人食到好飽😋 配菜除咗酸菜之外 仲有芽菜同埋豆卜 索哂湯好入味👍🏻辣子雞乾鍋揀左半食已經好足夠 雞件切成細細件特別香脆😆 味道都幾辣架 配菜仲有大量蓮藕 好入味👍🏻食咁多辣野最岩就叫番杯香甜鮮鳳梨沙冰飲下 唔會好甜 好解辣架🌟