新麻蒲 BBQ (大埔超級城) (已結業)

入大埔搵個fd食韓燒，入到去揀好個餐，之後就上配菜，一共7種，反正主菜未到食下泡菜開下胃先。傳統韓國拌飯，撈勻晒去幾好食，加上有米落肚飽肚d。主角出場喇，賣相好靚，肉既色澤鮮紅色，好新鮮。霜降牛肉100g，見到雪花均勻分佈係肉既周圍，好腍有入口即溶感覺。牛肋排120g，厚切，秘制醬醃得好好味。五花腩120g，最重油脂味，不過食得多有d膩，可以食啖飯中和返。大菇，燒起上黎都一樣咁好食。大蝦，有2隻。深紅色係桑莓果醋，另一杯係石榴果醋，燒完野食好熱氣，飲杯果醋健康又好味。