四點金飯店 (已結業)

今日同朋友食lunch , 去左間潮式酒樓, 門面見到潮州打冷菜色,滷水食品都非常吸引, 食小菜晚飯都係個好選擇,一坐低即刻叫特色潮式點心, 叫了韮菜粿,用了水晶包的皮, 韮菜肉餡味濃, 再叫了蠔仔烙$42, 蠔仔都大粒，粉漿唔多，蛋味好香，喜愛佢一小碟有兩塊,可以留肚食更多點心, 見到有點心套餐, 叫了蝦餃併炸兩, 蝦餃皮好薄, 蝦肉爽口, 唔肥膩, 炸兩份量都大, 腸粉皮夠滑,想食脆口點心, 沙律明蝦角, 外皮脆口，沾沙律醬食, 夠開胃, 蝦肉同樣爽口。甜品叫了潮州馳名糖水, 綠豆爽, 綠豆邊夠多, 還有清心丸, 味道清甜。