茶茶居 (已結業)

太古城中心有個幾精緻的food court, 今日食lunch我地一行四人，分頭行事咁搵位，最後竟然茶茶居跑出。 呢間茶茶居就係food court 其中一間食肆，同其他food court食肆唔同係佢有獨有的座位，有侍應招呼，所以要拎飛等位同計茶錢。佢同其他茶樓唔同之處係有一人點心餐（午市自樂餐），點心有齊蒸同炸又飯又菜，唔洗同朋友爭點心，可以自私食，啱晒我地呢d心思思樣樣都想試又怕唔夠飽的女士。我揀左第一個餐， 有蝦餃，牛肉賣，叉燒酥同蟹肉蝦多士點心夠晒熱又好味新鮮，唔似蒸左好耐，蝦餃大粒，表又簿。 蟹肉蝦多士好脆卜卜，叉燒酥又夠鬆化！點心質素唔錯。牛筋腩蒸沙河粉既牛腩炆得好淋又入味，完全唔韌，碗沙河粉夠大碗，食到個肚漲卜卜。美中不足係河粉好黏口，如果河粉滑捋捋咁就prefect 了！