玉桃軒酒家 (康怡廣場) (已結業)

去到太古visit，順便飲個茶先走啦。對住九龍的朋友仔黎講，平時真係好少去太古。同場好友一位，其食量不淺，最啱就係叫埋佢去飲茶，可以食多幾款。玉桃軒午市座無虛席，多是附近返工人仕，都有公公婆係到消磨時間。叫到一枱都係，三百多元。金粟香煎墨魚餅爽口彈牙，墨魚膠口感比想像中好，開頭以為會軟身，原來唔係，仲煎到金黃香脆。蘋果叉燒酥真心似蘋果批，不過係中式版，幾特別。桂花蛋散。同一般蛋散無異，但用上桂花作糖漿。豆苗，翠綠有光澤。雲南野菌餃朋友中意食菇，呢個雲南野菌餃就最啱，菇味出，口感清新。鼓汁鳳爪飲茶必食。高湯海皇灌湯餃大大隻，湯水足，鮮味一流。家鄉蒸釀瓜脯清淡得黎肉感不錯，啖啖肉。焗釀鮮響螺呢個最特別，外層似酥皮湯的皮，裡要面有螺肉、忌廉，其他茶樓無提供。