富園海鮮酒家 (已結業)

美孚陶源執咗，新開嘅酒樓叫富園，今日去試新嘢，有啲驚喜。三個人叫左個$388四人餐，非常豐富燒味拼盤，叉燒、燒鵝都有水準！本來有沙巴一條，但酒樓冇沙巴，轉左龍躉塊，都唔錯！好多款小菜中揀左滑蛋蝦仁，估唔到有河粉底，份量好大碟！雖然炒得比較油，但夠鑊氣，好食可揀一款粉麵飯，叫左瑤柱蛋白炒飯，味道唔錯，不過太飽要打包。仲有三款點心，我地揀左鯪魚球，好鮮味！燒賣大大粒，good叉燒腸都唔錯，幾足料！初時太肚餓，額外叫個燒腩仔，比較瘦，但都算脆皮美孚飲茶又多一個選擇，價錢合理而且味道中上，可以再來！