Wheatfield X 羅宋湯專門店 (青衣城) (已結業)

約左住喺青衣嘅朋友食飯，想食d酸酸地嘅野。知道青衣城有間羅宋湯專門店就去試下。全日自選搭配湯麵先揀湯再揀包或麵。揀左紅菜頭湯(配豬髀肉)配手打烏冬。提提你，全日自選搭配湯麵唔跟野飲，但可以以優惠價加配野飲。紅菜頭湯湯底食得出有黑椒，辣辣地。除左紅菜頭重有淮山、洋蔥同西芹，不過全部都被紅菜頭染成紅色，要好細心睇先睇到。有咁多蔬菜，好健康呀！手打烏冬口感煙韌。豬髀肉大塊，切得好薄身，但入口依然有口感。豬髀肉偏瘦，少脂肪，肉同肉中間只有少少肥膏。廚師推介套餐有湯同豬仔包。揀左羅宋湯同香煎薄牛扒脆豬仔包。跟餐奉送熱飲。羅宋湯可以揀跟牛腩或豬髀肉。頭先紅菜頭湯揀左配豬髀肉，今次就試下牛腩啦。黎得羅宋湯專門店梗係要試下呢度嘅羅宋湯啦。話明係羅宋湯專門店，羅宋湯梗係有番咁上下啦。果然無令我失望！羅宋湯又辣又酸，聞落酸酸的，重有d「攻鼻」，即刻口水都流曬出黎，好開胃呀！牛腩有幾嚿，大大嚿，啖啖肉。牛腩腍身，肥瘦適中。配菜有紅蘿蔔、大大塊椰菜、青椒同洋蔥，嘩，超多料！椰菜雖然大大塊但唔會硬，煮得腍身。牛扒脆豬仔包牛彈牙有口感，juicy。包嘅皮望落好似好硬，但食落好軟熟。生菜咬落脆卜卜。一啖咬落去，可以