陳師傅自製點心專門店

营业中

休息中

平日放工後同朋友去左食點心，尖沙咀金馬倫道愈來愈多食店，今次去陳師傅點心店都幾大，坐得都舒服。坐低後先揀茶，頂級頭冠金絲菊似signature，有好多大大細細既菊花，甜甜地幾特別。金牌蝦餃皇同魚籽燒賣皇，每籠各兩隻，燒賣皇比較出色，原隻蝦大大隻彈牙爽口；蝦餃配辣椒油更提升口感。脆皮銀絲卷，脆卜卜味道都唔錯，不過餡料只有羅白比較失望。鐵板煎釀尖椒，滾住鐵板上夠晒吸睛，唔止賣相得，味道都好好，尖椒釀魚肉，魚肉無我好怕既腥味，尖椒愈食愈辣，好刺激。沙律明蝦角，蝦角裡面饀有芹菜，蝦同豬肉，外皮炸得唔算好脆，不過都好味，啖啖肉。忽然好掛住個種咸香既味道，叫左個鹹魚肉餅飯，迷你煲仔飯，是我喜歡梅香鹹魚，惹味配一口飯，非常滿足。