富臨漁港囍臨門酒家 (已結業)

疫情開始後都比較少同屋企人去飲茶，近期相對放寬左，所以都陪屋企人飲個早茶先。星期六既朝早9點零，都幾多人已經飲緊茶，不過好彩都仲有位，接近9成滿座。早茶去到10:30am, 有一張優惠點心紙，選擇都算多，如果老人家飲個早茶計，相信點幾個優惠點都好夠，價錢又相宜。我哋一行三人，總共叫左9個點心，除開每人有三籠，早茶好夠食。蝦餃燒賣就一定會叫的了，中規中矩，還可以。反而個黑椒牛仔肉好有驚喜，肉既口感幾好，唔會又老又硬身。