鴻星中菜 (已結業)

今日亞仔要返學校搞 function, 我同老公就自然去飯堂攪掂。上次嚟鴻星已經係一個月前，張點心紙上部份食品亦已換上新款式。鴻星就有呢度好，除咗點心精緻外，間中都會搞搞新意思，唔會好似附近東江好棧咁，食嚟食去都係嗰幾款，毫無新意。煲仔牛肉飯 ($10) --- 仍然保持一貫水準，牛肉淋淋地，好好味皮蛋瘦肉粥 ($8) --- 用匙羹筆起啲粥，原來啲粥好杰好多料，唔錯珍珠糯米雞 ($8) --- 一籠 2 隻，餡料份量適中，不過不失西杏甘露撻 ($6) --- 一碟 4 個，好迷你，似飲宴最尾嘅美點相輝啲點心咁，雖然不至於非常好味，但幾有新意，撻邊少少脆，都算鬆化鴻圖燒賣 ($7) --- 叫咗兩隻，都幾好食蓮蓉西米布甸 ($10) --- 老公唔鍾意食蓮蓉，話太甜，但我呢個嗜甜的小女人，當然覺得剛剛好，有蓮蓉香味埋單$67.10，平得嚟又好味，唔怪得我同老公都喜愛嚟鴻星飲早茶。