萬波 (已結業)

今次係第二次光顧，兩次都飲咗香草籽與鹹奶油布蕾。第一次叫純粹係覺得個名好靚又係signature (😂)，第二次係因為飲過翻尋味。第一次飲嗰陣已經覺得店員好用心，有為每位顧客介紹正確飲奶蓋嘅步驟，之前都唔知飲奶蓋都咁有技巧同一杯飲品飲落可以有咁多層次。第二次飲一樣無失望，反而仲多咗驚喜添。飲落茶味好清新，唔會好似其他台飲店嘅茶底咁，飲落好似放咗好耐嘅感覺。係配合埋鹹奶油奶蓋，又有另一種風味。係舖面飲咗一兩啖之後，發現店員會主動詢問每位顧客對飲品嘅睇法，然後店員真係會用心留意每個可以改善嘅細節。感覺成件事都好用心，會再翻嚟！