戀暖の初茶 (V Walk) (已結業)

我自己平時就好少會買一杯杯既台式飲品，一來我覺得自己一個男人揸住杯茶一路行一路飲好似好奇怪，二來我覺得質素好參差，如果唔啱飲真係好浪費，但係同女朋友一齊飲又另一個講法😂話說今日經過開呢道，首先係我俾呢個鋪吸引先既，因為鋪名戀暖之初茶我覺得真係好有感覺，好想知道飲完係咪真係有初戀既溫暖感。咁啱前面有對後生仔女就買完，見到個制成品都幾靚，所以就試一試啦。叫左兩杯，首先係奶蓋蔓越莓莓，果肉好多好豐富，少少甜少少酸，加埋奶蓋滑滑地，認真好飲。另外杯滿杯葡萄都係勁多果肉，甜甜地夠哂透心涼，咁熱飲真係啱哂！