越味皇 (已結業)

譚仔無位轉投過黎，平日夜晚2位唔使等位。價錢中規中矩，叫左一客咖哩牛腩飯（$78)飯就夠，餸既份量可以多返少少，好彩汁既味道夠香有層次，都可以送埋d 飯，汁入面都見到有d 香茅同唔同既香料。味道唔錯有驚喜，唯獨可能怕香港人唔食得辣，冇乜辣味。仲叫左個2餸牛骨清湯金邊粉。牛丸實淨有咬口，牛味濃而且juicy。生牛肉偏瘦有咬口，但牛味較淡。最正反而係湯底，唔會太咸，味道飲到唔同既香料夠層次，飲埋d 湯之後都唔口乾，香港既越南菜黎講 算係合格有越。係位置真係有d 逼，坐得麻麻地舒服。