富豪餅店

营业中

休息中

上星期去左富豪酒店coffee shop見完客，叫左杯野飲，店員俾左塊蝴蝶酥伴碟。 今次想講嘅唔係杯齒頰留香嘅奶茶，而係側邊果塊小小嘅蝴蝶酥：呢塊蝴蝶酥外表金黃，明顯見到一層層嘅酥，面頭嘅糖唔多。 一打開個包裝袋已經聞到好香牛油味，食落去非常鬆脆，唔會好油膩，食完後，我好唔好意思咁問店員再拎多塊，試真D，真係好好味！完全比得上其他酒店嘅蝴蝶酥！細問之下原來呢個蝴蝶酥係全人手做，個皮唔係現成皮，所以特別鬆化。 結果…我買左兩盒… lee個蝴蝶酥無乜宣傳，真係無乜人識，係咁岩要撞正去酒店coffee shop 先食到，叫佢做隱世蝴蝶酥真係好貼切，但好彩店員介紹左可以上網頁買，但記得係要搵包裝袋上的 Regal Supreme。