八時神仙草 (厚福街)

营业中

休息中

其實食過呢度嘅刨冰好多次，覺得呢度嘅刨冰真係同其他地方唔一樣，嗰一種仙草嘅拉絲感覺好令人懷念。我成日都會想返嚟食。同埋佢嘅刨冰唔會太甜，口感十足，尤其是係夏天嘅時候真係想不斷咁食。仲要價錢唔會超過$100 ，比起其他刨冰店更加平。但係其實之前我從來冇喺呢間店裏面叫過飲品，今次因為同朋友一齊，所以一口氣叫咗兩杯。抹茶奶茶真係非常好飲，抹茶味10分出色，而且濃度啱啱好。另外一杯米麻糬飲品，係真係有好多米喺裏面，口感超級特別。