影片
更多
2009-10-02
22 浏览
1-10-2009離開旺角, 兜兜轉轉去了 MegaBox 行街, 行到攰嚟呢度飲杯嘢 / 食碗糖水.叫了芒果沙冰, 份量大得嚇人, 載滿高身杯之餘, 頂部亦堆到成座山咁 打得幼滑杰身, 芒果味自然又香甜, 飲落亦當然透心涼 不過份量實在太大, 好努力飲到打晒冷震, 仍然飲唔晒, 大家 order 的話要留意.朋友又食楊枝甘露, 望落一樣足料, 應該都不錯?比起較常去的銅記東角道店, 呢度闊落好坐得多, 話晒係 MegaBox 嘛; 不過招呼就唔及銅記 pro 了,「妹妹仔」feel 女店員們就俾人嬉笑怒罵的感覺, 印象麻麻哋.每人放低約 $30, 好飽, 但又差不多夠鐘食 dinner, 點算...
離開旺角, 兜兜轉轉去了 MegaBox 行街, 行到攰嚟呢度飲杯嘢 / 食碗糖水.
叫了芒果沙冰, 份量大得嚇人, 載滿高身杯之餘, 頂部亦堆到成座山咁 打得幼滑杰身, 芒果味自然又香甜, 飲落亦當然透心涼 不過份量實在太大, 好努力飲到打晒冷震, 仍然飲唔晒, 大家 order 的話要留意.
朋友又食楊枝甘露, 望落一樣足料, 應該都不錯?
比起較常去的銅記東角道店, 呢度闊落好坐得多, 話晒係 MegaBox 嘛; 不過招呼就唔及銅記 pro 了,「妹妹仔」feel 女店員們就俾人嬉笑怒罵的感覺, 印象麻麻哋.
每人放低約 $30, 好飽, 但又差不多夠鐘食 dinner, 點算...
张贴
