老虎堂黑糖專売 (已結業)

仲記得老虎堂啱啱喺銅鑼灣開嘅時候條人龍長過萬里長城，心郁郁想試，但我實在係懶得排隊一直冇試。但前排行太安樓發現老虎堂開咗，仲要唔駛點排梗係即刻叫返杯飲下啦！睇個Menu見到虎虎生風厚鮮奶係大細珍珠都齊，啱哂心多多咩都想試下嘅我，就揀咗佢。由於冇乜人嘅關係，杯嘢飲好快就整好，就咁望落黑糖嘅比例的確好高，搖完個杯後成杯嘢係呈現令人唾唌欲滴嘅焦糖啡色。第一啖飲落去係覺得好飲嘅，奶香味同黑糖味撈埋一齊係好夾，兩種珍珠亦令你每飲一啖都會有唔同嘅口感。飲完第一杯嘅感覺係覺得 “咦？又幾好飲喎，可以再飲。” 但當我第二次去銅鑼灣飲嘅時候就覺得無咁好飲，簡單嚟講就係我個人認為唔襟飲，係一樣好快就會飲厭嘅飲品。