稻庭養助 (已結業)

一直想試呢間d烏冬好耐，今日得一個人食lunch，決定試下！叫左個set有兩款野食，一碗迷你冷烏冬同迷你吞拿魚飯，包一杯野飲。送到黎，賣相都ok。平時d日本餐廳前菜好難食，估唔到呢度前菜既蘿蔔漬幾好食！個吞拿魚蓉飯，個人認為搭生菜沙律有d怪怪地，但係d飯熱辣辣仲好軟糯，食得出係靚米！吞拿魚蓉都相當新鮮，多d會更好。跟住到稻庭烏冬，以為佢湯汁另上，點知已經浸緊湯。烏冬幼身亦相當滑，不過個湯底，個人認為配深色冷麵汁比較夾。99蚊偏貴，試過一次就算。