瓏門冰室 (已結業)

蜜糖雞翼卡邦尼 65hkd（免加一）送多士送羅宋湯送熱奶茶三隻香草味蜜糖雞翼， 仲有送左塊大豬扒， 啱曬食肉獸， 意粉大概有五至六條 係焗到硬一硬，乾脆， 卡邦尼白汁多，上枱時非常熱， 唔可以即刻入口， 攪拌完之後 ，有意外驚喜， 能與飯焦媲美 ，意粉份量唔多， 不過食埋果份烘到脆一脆嘅厚身果醬多士， 以及熱辣辣多蔬菜料嘅紅湯， 都咪話唔多，份量真的over。 結果以一個女仔嚟講係食唔曬。玉子燒常餐咸牛肉芝士加火腿 55hkd 連番茄牛肉通粉+凍奶茶 3hkd餐咸牛肉芝士 玉子燒十級推介， 無論係芝士 /咸牛肉/雞蛋三種醬融合埋一齊，係一堆好配搭， 加上火腿一片， 食物味道層次豐富。番茄牛肉通粉， 最鍾意佢嘅蕃茄膏醬， 夠酸，番茄味又重， 牛肉份量ok， 少量薯仔， 標準茶餐廳質素。