鉄火堂 (厚福街)

营业中

休息中

朋友介紹之下去左呢間日本野算係日式平民飯都幾有趣，好似車仔麵咁樣叫自己想食嘅配料。第一次食，問吓同行嘅朋友，朋友極力推介蟹膏同甜蝦。甜蝦朋友仲叫咗兩份。我問佢係咪細細條嗰啲甜蝦，佢話唔係。到之後果然不失所望，啖啖肉。本人幾鍾意佢嘅拌菜。有冇人好似我咁都係鍾意食拌菜。所有嘢加埋好夾。刺身都相當新鮮。米粉同埋茶都可以無限添加。本人就加咗半碗飯撈蟹膏。平時去買蟹膏，這一個份量都好貴。所以喺度食都覺得自己好似變咗富豪咁。而且好新鮮一啲腥臭味都冇。食完真係好滿足呀。