木子甜品 (已結業)

食完晚飯，整番個糖水，木子甜品地方雖然細細，但芋圓係我喜愛嘅食品，一於去食番碗。~抹茶雪泥芋圓~有4粒大芋圓和8粒小芋圓冰凍嘅抹茶雪泥要做到入口味道濃郁，抹茶份量一定要多啲，至於呢個抹茶雪泥應該夠味，可惜因為好凍，令到入口味道比較淡，如果在雪泥上灑些少抹茶粉，賣相和味道更吸引。紅豆湯底幼滑，如果加番啲紅豆肉，口感豐富好多，唔會好似現在咁又稀又水汪汪。至於大芋圓有咬口，但我較喜歡小芋圓，因為比大芋圓更加煙韌。~豆腐一號~蓮子唔夠粉豆腐花豆味足，夠滑紅豆夠大粒，不會太甜老實講，豆腐雪泥無咩味，凍野，要加重豆味，否則甜味冰塊咁囉！呢度芋圓係出色嘅👍🏻，價錢唔算太貴，但整碗糖水有好多要改進，否則好快流失熟客。至於服務態度，架眼鏡較年紀長果位店員就真係麻麻，無笑容，我正在想緊1001 定 1004 號甜品，佢好粗魯咁問: 1001? 1004? 我話: 1001, 佢話: 係1001丫嘛? 跟住黑面行去落單😡，幾無禮貌！註:今日年初二要收加一😓