影片
更多
2010-03-07
12 浏览
今日天氣涼涼地，同媽咪食完個lunch，經過嘉咸街，決定黎berrygood買杯Yogurt食。其實香港而家開左咁多yogurt店，大部分我都未食過，今日見到而且又唔係太飽就入去食，當飯後甜品。=)星期日大概 2 點，入去時一個客人都無，睇黎呢D時間都無咩客人幫襯。入到去覺得店子好舒適，而且都有D位置可以俾你坐，可以悠閒地HEA 下，不過我由於趕時間，就買完一路行一路食啦。有兩款選擇，由於媽咪唔好呢樣野，所以我都係買左杯細既自己食算啦。Quick Fix可以自選一種topping，佢今日既精選係芒果味，唔知點解我對芒果味一d興趣都無，所以最後都係要左原味，另外topping個個姐姐推薦我要Reese's peanut butter cup，咁我就聽佢講要左呢隻啦。$30 黎講呢個份量一般，唔算平亦唔算貴，係中環地段係差唔多價錢。食到去好似食雪糕咁，不過佢無左雪糕既忌廉同奶味，而家係好清既yogurt味，帶點點酸味，媽咪就麻麻地鍾意，但我就覺得ok喎。食落感覺無咁膩，其實一個人食既話我覺得Quick Fix呢個size真係差唔多，如果再大d我諗我會食唔哂。不過如果係夏天好熱既話又係另一回
星期日大概 2 點，入去時一個客人都無，睇黎呢D時間都無咩客人幫襯。入到去覺得店子好舒適，而且都有D位置可以俾你坐，可以悠閒地HEA 下，不過我由於趕時間，就買完一路行一路食啦。
有兩款選擇，由於媽咪唔好呢樣野，所以我都係買左杯細既自己食算啦。Quick Fix可以自選一種topping，佢今日既精選係芒果味，唔知點解我對芒果味一d興趣都無，所以最後都係要左原味，另外topping個個姐姐推薦我要Reese's peanut butter cup，咁我就聽佢講要左呢隻啦。
$30 黎講呢個份量一般，唔算平亦唔算貴，係中環地段係差唔多價錢。食到去好似食雪糕咁，不過佢無左雪糕既忌廉同奶味，而家係好清既yogurt味，帶點點酸味，媽咪就麻麻地鍾意，但我就覺得ok喎。食落感覺無咁膩，其實一個人食既話我覺得Quick Fix呢個size真係差唔多，如果再大d我諗我會食唔哂。不過如果係夏天好熱既話又係另一回事。
一諗到佢可以無咁肥但又可以一嘗甜品既滋味，都幾開心呀。Reese's peanut butter cup 比我想像中甜左少少，有幾香既花生味，帶點點鬆化，表面係有少少既朱古力，個人覺得係不錯既選擇，如果唔想配生果，呢個都係考慮之一。
食完感覺比想像中好，市面仲有數間類似既yogurt店，等我又試下其他店子先。
张贴
