店內係酸枝傢俬，店不大，只有六七張小枱，高樓底下是一個吊扇，另一個冷氣強勁的吹向我，如果我好熱入嚟，我諗我會好開心。
舊式的糖水店，好多中式糖水選擇。見到有桂花糕，二話不說點了！一盒四件，桂花清香而分量不少，用黃糖所以令到糕的顏色偏黃同甜。我覺得好食，有杞子但食不到味道，不過你不好糕點，只食了一少啖。
而我向來都偏愛芒果甜品，所以雖然知道店應該專於中式甜品，我亦選擇芒果西米露。應該是店主的伯伯隨即預備，上枱後，我知道大鑊了！
如果是平日，我一定同你講＂不如呢個你食？＂。並不是糖水有甚麼問題，只係我唔食椰汁而它是椰汁底！
1
不過，我唔想你覺得我食糖水都唔開心。我居然可以食椰汁底西米露，好在，椰汁味唔濃，用上呂宋芒而且量不少。每一啖都可以用芒果伴隨椰汁一齊食，芒果全被消滅後，只可以要求你代勞了！
你的反應及態度令我知道你不滿，但我真的盡力了，如果不是不想你不開心，我係無可能食椰汁底的西米露。所以，忘記所有的不快吧！
