Via Tokyo (已結業)

金馬倫道食飽飯，三五知己當然要食返個甜品再傾過啦。抹茶控嘅我見到Via Tokyo當然即刻停低入去啦！今次試左蕨餅抹茶雪糕，抹茶蕨餅有抹茶粉包住，抹茶味濃，可惜蕨餅不夠軟，口感一般，抹茶雪糕有質感，跟軟雪糕有點不同，尚嫌抹茶味不夠濃。最讚嘅反而係配上嘅栗子，絶對係日本風味！偷偷試左朋友嘅焙茶味，牛奶味同限定芝麻味。個人推介焙茶雪糕，茶味濃，正！整體而言，味道始終不及尖沙咀另一京都品牌！但價錢相宜，座位舒適，算是物有所值！