望逸咖啡研究所 (已結業)

購物後搵食，見到呢間#望逸咖啡研究所，以為只供應咖啡，望下餐牌原來都有西餐提供的，老友話想嘆下咖啡，便進入開餐囉☺️。半邊春雞配烤豬肋骨，有3條豬肋骨同半邊春雞，豬肋骨大條且好多肉，不會鞋亦有咀嚼感，很惹味啊。春雞皮煎得香口，肉質嫩滑，調味剛好，伴碟有大量炸得脆口嘅薯條，很正啊。龍蝦汁青口蜆肉意大利飯，意大利熟度煮得剛好，咬口煙韌的感覺，配3只青口，飯內有蜆肉伴隨，很合我哋的口味。老友點左想飲的咖啡☕️，我就要左杯微甜的抹茶🍵拿鐵。餐廳現逢星期六、日推出優惠，$158/90分鐘任飲（包括咖啡、手沖等），啱晒喜愛飲咖啡人士。