Sushi N

营业中

休息中

老公生日，身為一個食肉獸竟然話自己生日想食素，食得好素吓嘅老婆嘅當然話好，本身bookmark咗幾間素食諗住自己生日食，即刻響裡面搵間好似最靚嘅。啲嘢食好唔好味呢？ok啦不過不失，不過4樣熱食4樣都係菇真係好悶，明顯餐廳對素食唔太認識，令食材好局限，好彩嘅係叫唔同醬汁唔同煮法，但食到第4樣真係唔想再食。幾款壽司有啲驚喜，尤其牙蔥壽司。本身預早打咗電話希望響甜品碟寫「生日快樂」但最終無寫到應該唔記得咗，無所謂啦最緊要食得開心。然後地方細細嘅餐廳，食緊甜品出面仲有其他客我哋都未走，廚房裡面有人好大聲講「佢哋食齋又會飲sake」連續講咗幾次，4枱客得我哋叫素set又叫咗支sake明顯講緊我哋，好彩嘅係我老公聽唔到。如果餐廳老闆睇到，希望可以同你嘅員工講解多啲啦，你做得素食menu就有唔同嘅客因為唔同嘅原因嚟食素嘅omasake，你啲員工咁大聲咁講我唔知佢想唔想我哋聽到，我淨係覺得你嘅員工好無知。最後兩個人埋單$23xx我條氣頂住咁俾錢。自己肯定無下次，亦唔建議其他人去食素嘅omakase。