嚐.鵝小廚 (已結業)

我本身係一個好鍾意食燒鵝嘅人，對比起燒鴨質素就差得遠聽聞屯門新開左一間食燒鵝一流嘅入邊仲有廚房專門燒燒鵝，我今日就即管嚟試吓一去到門口見到個名就知燒鵝係佢嘅招牌菜（嚐，鵝小廚）而家做緊優惠半隻先係$158都好抵食就買半隻返屋企試吓返到屋企一開見到燒鵝皮光滑加柔嫩好靚斬得非常有心機鵝肉嘅紋理都好細緻，絕對冇令我失望！味道方面見到肥瘦適中啲肉仲好香甜又鮮嫩食完都冇口渴嘅感覺淨係知道食到停唔到之前去過好多間燒鵝店都及不上呢一間我一定會再來幫襯見到食客都相當多好早已經坐滿晒人見到仲有好多小菜嘅選擇，下次一定要嚟坐低試吓，廚師都非常細心個盒整咗兩個孔，因為燒鵝剛剛燒起，熱辣辣怕入邊出霧水