影片
更多
2022-06-29
152 浏览
其實黎廟街都唔一定係要食大排檔，尤其是而家夏天咁熱辣辣。當然都想搵一個舒服嘅地方涼浸浸。俾我發現到喺廟街牌坊嘅側邊就有一間新開樓上餐廳，主打西班牙小食Tapas嘅菜，最啱放工嘅朋友仔嚟傾吓計。Oyster Set $188Fleur des Eux n/1, (Guerande, France)Gillardeau n/2, (Normandy, France)Arousa (Galicia, Spain)生蠔係我至愛而且又係男士恩物，所以就叫咗佢嘅生蠔拼盤嚟試一下，分別有三款唔同嘅品種，來源地都係歐洲，法國西班牙！佢個擺盤好特別，用咗廟街嘅icon煲仔飯個瓦煲嚟裝住，特別有風味，更加體驗到呢一間餐廳中西合璧，又保留本地嘅特色。Salad with Baby Sherry Marinated Tomatoes, Spinach and Manchego Cheese Shavings $88呢個沙律菜雖然都係一啲普通嘅沙律菜，但係其實最重點就係個醬汁同嗰層芝士。個醬汁酸酸甜甜，咁樣非常醒胃，再配上呢一個咸香嘅芝士，為呢一餐打開完美嘅開始，佢嘅蕃茄仔非常爆汁。Oven Roasted P
其實黎廟街都唔一定係要食大排檔，尤其是而家夏天咁熱辣辣。當然都想搵一個舒服嘅地方涼浸浸。俾我發現到喺廟街牌坊嘅側邊就有一間新開樓上餐廳，主打西班牙小食Tapas嘅菜，最啱放工嘅朋友仔嚟傾吓計。
Oyster Set $188
Fleur des Eux n/1, (Guerande, France)
Gillardeau n/2, (Normandy, France)
Arousa (Galicia, Spain)
生蠔係我至愛而且又係男士恩物，所以就叫咗佢嘅生蠔拼盤嚟試一下，分別有三款唔同嘅品種，來源地都係歐洲，法國西班牙！
佢個擺盤好特別，用咗廟街嘅icon煲仔飯個瓦煲嚟裝住，特別有風味，更加體驗到呢一間餐廳中西合璧，又保留本地嘅特色。
Salad with Baby Sherry Marinated Tomatoes, Spinach and Manchego Cheese Shavings $88
呢個沙律菜雖然都係一啲普通嘅沙律菜，但係其實最重點就係個醬汁同嗰層芝士。個醬汁酸酸甜甜，咁樣非常醒胃，再配上呢一個咸香嘅芝士，為呢一餐打開完美嘅開始，佢嘅蕃茄仔非常爆汁。
Oven Roasted Potatoes with Spicy Sauce (Patatas Bravas) $72
呢款Tapas喺西班牙菜入邊可謂係必點嘅經典薯仔。首先用油煎到表面金黃脆，再放入焗爐焗到內軟外酥。咁另外嗰個醬汁其實先係重點，要將蕃茄，加入唔同嘅調味料去爆炒造成一個辣醬，再淋喺上面。
Toasted Bread with Grated Tomato and Extra Virgin Olive Oil $48
呢個蕃茄包超級香脆，望落有啲似千層酥咁，超好味。佢中間就已經加入咗蕃茄蓉，再淋上初榨橄欖油，咬落sharp sharp聲，入面就軟糯。
Clams in Green Sauce $78
中西合璧，因為大廚新鮮去挑選一啲時令嘅本地海鮮，所以今次係花甲配西式醬汁。Green sauce即係一啲切碎咗嘅香草例如有Cilantro, Parsley, Basil等，各款加埋當然係芬香撲鼻啦。打到好碎，所以可以黏附喺蜆肉嘅上邊，食起嚟特別甜同惹味。
Deep Fried Squid with Garlic Mayonnaise $88
炸魷魚佢嗰漿整得好薄，而且好鬆脆。入邊包裹住爽口彈牙嘅魷魚肉，再配埋佢個蒜蓉蛋黃醬，作為下酒嘅小食，10分滋味。
我哋仲認識到嗰度嘅廚師Chef Angel，佢好似都好有來頭，喺啲大餐廳做過又係d consultant。而且好鍾意佢嘅理念，喺當地選擇一啲新鮮嘅食材去調製出美味嘅佳餚。而且佢嘅理念係將外國嘅菜市場餐廳帶入來本地去發展。雖然呢一間係一間細店，而且仲係樓上鋪，但係我覺得佢哋嘅用心係非常值得我哋去支持。
张贴
