澳門仔火鍋串燒專門店 (已結業)

同老公放工後行果欄，見價錢都唔平，兩手空空去揾食，行返落旺角方向，被澳門仔火鍋串燒專門店門外張易拉架及poster吸引住，大大鍋花膠雞煲好靚咁，仲要二百幾蚊任食任飲，見老公近來無乜精神，一於入去補補佢。兩小時任食放題，分三個餐，價錢差得唔多，我哋緊係要花膠雞煲＋八鮮盤＋特級安格斯牛肉；先嚟兩小碟雲耳青瓜做餐前小食，雲耳有D鹹，青瓜味道啱啱好，攞埋嘢飮及醬油，鍋花膠雞煲就到，每人先飲兩大碗花膠湯，無加味精真材實料，食埋花膠及鮮螺頭，又甜又補，侍應叫我地隻雞煲耐啲，食咗配料先，但我哋見隻雞好新鮮，所以都係分解左嚟食，絕對冇後悔先食隻雞，因為隻雞實在鮮甜又香雞味，肉質夠結實好似走地雞咁；八鮮盤，上枱後侍應先至加水落乾冰，即刻八鮮變八仙，好貼題，向外邊放題，D蟹通常唔新鮮兼肉梅，此間嘅蟹簡直喜出望外，肉實膏多並香，其它貝殼類都係👍🏼之選，此盤八鮮已值回票價；任叫系列嘅材料我覺得都唔馬虎，隻海蝦一定要講，你哋睇你哋睇，隻海蝦三支尾都可完整剝殼，正因夠大隻及新鮮，食落係有蝦味㗎，可惜我食個花膠雞煲及八鮮盤已經九成飽，不能encore 超甜海蝦😭，而香濃安格斯牛肉，都只能吃一舊咋；另外like 左佢