小曼谷海鮮燒烤屋

营业中

休息中

我又去九龍城食泰國嘢啦, 今次我同ㄧ位朋友去食, 她勁鐘意食魚，我就推薦必嚐推介 泰式燒盲鰽 啦！一見到條魚已經流曬口水, 外皮用鹽燒，燒到脆卜卜，可以輕鬆成片揭起，見到佢咁完美咁同魚肉分離，真係好療癒呀！白嫩嘅魚肉非常濕潤，而且鮮味十足，每一啖都係滿滿嘅幸福感！魚肚塞滿泰式香料，令成條魚都充滿東南亞風味。 想再惹味啲嘅話，仲可以點埋酸辣汁，超醒胃！雖然條魚好大，但我哋兩個人食到停唔到，趁熱食，好快就食到得排骨啦！推介還有 燒脆皮白鱔,都是燒到外脆內軟, 熱辣辣非常香口 肉質又相當彈牙, 大家都不妨一試。另外點了酸辣牛小扒沙律和冬陰雞湯 做前菜 非常惹味又開胃。 還最緊要服務員非常有禮親善, 真是食得開心。