影片
更多
2018-08-18
63 浏览
今日約埋三個朋友黎試試呢間鋪頭。雖然位置唔係位於大街，但門口大大隻字寫住PRESENT，唔怕搵唔到。裝修有英倫風，門口有些少似文青cafe，好適合女孩打卡影相。入到呢間店鋪燈光偏暗黃，角落位有部唱片機，可惜當日冇播音樂，如果唔係一定好有喺外國嘅感覺。我地四個人叫左兩個full set $388，包左沙拉、湯、小食、主菜、蛋糕同飲品，再單點咗龍蝦闊條麵。沙拉好新鮮，配上小蕃茄，非常足料兼開胃。之後上是日餐湯蕃茄湯同蒜蓉麵包。蕃茄湯完全唔係罐頭湯，非常濃郁蕃茄味。蒜蓉麵包兩邊都搽得好均勻，我就習慣咗麵包會點些少湯一齊食，估唔到咁夾！因為剝殼實在太麻煩，對於海鮮一直都一般；但係龍蝦就另作別論喇。未見碟龍蝦闊條麵已經撲鼻而來超香嘅黑松露味道。龍蝦雖然唔算大隻，但啖啖肉都好入晒淡淡嘅忌廉味，真係令人齒頰留香。我哋成班慳家一族仲將龍蝦忌廉汁倒埋落啲闊條麵入面，本身啲麵已經色香味俱全，加埋啲汁簡直係昇華到另一個境界！好推薦所有愛食海鮮嘅懶鬼嚟點呢個食，大愛💙第一個set係美國安格斯肉眼牛排。我叫左五成熟，佢整得剛剛好，唔會過哂火，d汁又夠味，同塊牛排襯到絕。除此之外，佢d配菜都好好食，蔬菜類有細心煮
裝修有英倫風，門口有些少似文青cafe，好適合女孩打卡影相。
入到呢間店鋪燈光偏暗黃，角落位有部唱片機，可惜當日冇播音樂，如果唔係一定好有喺外國嘅感覺。
我地四個人叫左兩個full set $388，包左沙拉、湯、小食、主菜、蛋糕同飲品，再單點咗龍蝦闊條麵。
沙拉好新鮮，配上小蕃茄，非常足料兼開胃。
之後上是日餐湯蕃茄湯同蒜蓉麵包。蕃茄湯完全唔係罐頭湯，非常濃郁蕃茄味。蒜蓉麵包兩邊都搽得好均勻，我就習慣咗麵包會點些少湯一齊食，估唔到咁夾！
因為剝殼實在太麻煩，對於海鮮一直都一般；但係龍蝦就另作別論喇。未見碟龍蝦闊條麵已經撲鼻而來超香嘅黑松露味道。龍蝦雖然唔算大隻，但啖啖肉都好入晒淡淡嘅忌廉味，真係令人齒頰留香。我哋成班慳家一族仲將龍蝦忌廉汁倒埋落啲闊條麵入面，本身啲麵已經色香味俱全，加埋啲汁簡直係昇華到另一個境界！好推薦所有愛食海鮮嘅懶鬼嚟點呢個食，大愛💙
第一個set係美國安格斯肉眼牛排。我叫左五成熟，佢整得剛剛好，唔會過哂火，d汁又夠味，同塊牛排襯到絕。除此之外，佢d配菜都好好食，蔬菜類有細心煮過，唔似出面咁烚一烚就上枱，薯條又香脆熱辣，非常好味👍。
第二個set係忌廉汁深海鱸魚，呢道菜真係出乎預料之外咁好食。佢將佢魚皮煎到脆卜卜，所以有種外脆內軟既口感。呢道菜真心強烈推薦。而且同肉眼扒一樣，佢嘅配菜係有用心記去煮，好好食，會食哂，唔洗做大嘥鬼😉。
飲品方面我地叫左兩杯橙汁、一杯手工啤酒。橙汁正正常常，冇咩特別，冇果肉係入面，係一杯純橙汁。 手工啤酒我地就揀左名為dream既柚味淡啤。其實我本身唔太鍾意飲酒，所以我冇試到，但我班鍾意飲酒既朋友就覺得佢好得意，因為佢係一杯清清地既酒，飲落好舒服😌。
忌廉汁帶子意大利飯有外表又有內涵，兩個帶子殼係飯上面，有幾粒又大又圓嘅帶子，同龍蝦一樣唔洗剝殼好啱我哋依啲懶鬼🤣。意大利飯同埋蘑菇一齊食，香氣四溢，熱辣辣食一流。
甜品係手工精品蛋糕，我哋揀咗紐約芝士餅同蘋果芝士蛋糕，唔太甜但又有芝士味好啱我哋口味。
跟著我哋又俾綠茶千層蛋糕嘅賣相吸引，忍唔住叫埋，濃濃嘅綠茶味千層蛋糕甜而不膩，成為我哋依一餐完美句號。
啱啱好呼應menu上嘅一句「一起吃頓好的，為辛勞的一天畫上完美的句號。」返工做嘢做得咁辛苦都係為咗生活姐，食餐好嘅真係會成為我返工嘅動力❤！
张贴
